Бабай збег ад Гіркіна
47- 13.07.2014, 20:30
- 74,911
Верхавод тэрарыстаў Ігар Гіркін распавёў пра дэзэртырства вялікай групы «казакоў», у тым ліку і Аляксандра Мажаева, вядомага як Бабай.
Пра гэта піша Lenta.ru са спасылкай на крыніцы ў асяроддзі баявікоў.
«Казакі» пакінулі шэрагі рушэння пасля адступлення з Краматорска (гэта адбылося 5 чэрвеня). «Спачатку яны адмовіліся выканаць загад і адправіцца на Данецк, а потым раптам усе разам сарваліся і «знайшліся: ужо на самай мяжы», - распавёў расейскі дыверсант.
Аляксандр Мажаеў прыехаў у Данбас з Крыма, дзе, паводле ягоных, слоў, ён «удзельнічаў у некаторых падзеях». Са слоў баевіка, ён наважыў прыехаць ва Украіну, бо ў Расеі яго шукаюць за забойства. Паводле звестак з адкрытых крыніц, у сярэдзіне 1990-х гадоў Мажаеў праходзіў тэрміновую службу ў расейскім войску.