Украінскіх сілавікоў абстралялі з тэрыторыі Расеі
8- 20.07.2014, 9:46
- 17,609
Пазіцыі сіл антытэрарыстычнай аперацыі ў памежных раёнах былі двойчы абстраляныя з тэрыторыі Расеі.
Пра гэта на сваёй старонцы ў сетцы напісаў кіраўнік украінскага Цэнтра вайскова-палітычных даследаванняў Дзмітрый Тымчук.
Паводле аператыўных звестак групы «Інфармацыйны Супраціў», на працягу ночы пазіцыі сіл АТА ў памежных раёнах двойчы былі абстраляныя з тэрыторыі Расеі. У абодвух выпадках агонь вёўся з мінамётаў. Акрамя гэтага, абстраляныя пазіцыі сіл АТА блізу н.п.Шышкова (са стралковай зброі), Аляксандраўска (з РСЗА БМ-21 «Град»), Аўдзееўкі (са стралковай зброі), Чырвонапартызанска (са стралковай зброі), Марынаўкі (з танка). Сілавікі адкрывалі агонь у адказ.
Звесткі аб стратах удакладняюцца, адзначае экспэрт.