Расейскія чыноўнікі пазбавяцца Lexus і Infiniti
8- 20.07.2014, 11:23
- 14,600
Кампаніі Toyota і Nissan адмовіліся ад размяшчэння на тэрыторыі Расеі вытворчасці аўтамабіляў прэміяльных марак.
Як следства, гэтыя брэнды не змогуць удзельнічаць у дзяржзакупках, пішуць «Ведамасці».
Згодна з новымі правіламі для чыноўнікаў РФ можна набываць толькі аўтамабілі, якія вырабленыя ў краінах Мытнага саюза (Беларусь, Расея, Казахстан) у пагадненнях аб прамысловай зборцы, а таксама ў асаблівых эканамічных зонах - пры ўмове, што зборка ўключае ў сябе пэўныя вытворчыя аперацыі.
Сярод прэміяльных марак, якія карыстаюцца папулярнасцю ў расейскіх чыноўнікаў, у Расеі наладжаны выпуск Audi (завод Volkswagen у Калужскай вобласці) і BMW (прадпрыемства «Автотор» у Калінінградскай вобласці).