На рынку ў Мазыры раздавалі сцягі РФ
54- 20.07.2014, 14:05
- 34,457
Раздача расейскай сімволікі набывае масавы характар у Беларусі.
Інфармацыяй аб гэтым дзеляцца чытачы charter97.org з розных гарадоў. Аб апошнім выпадку паведамляе жыхар Мазыра.
«Учора днём у раёне рынка «ІстПал» у Мазыры раздавалі расейскія сцяжкі. Хадзіў нейкі чалавек па цэнтры дарогі і раздаваў сцяжкі аўтамабілістам»,- піша ён.
Нагадаем, выпадкі раздачы сцягоў Расеі зафіксаваныя як у Менску, так і ў іншых абласных цэнтрах і буйных гарадах. Пра гэта паведамлялі жыхары Бабруйска, Гародні, Віцебска, Гомеля, Оршы, Полацка, Баранавічаў. Раздачу сцягоў арганізуюць прарасейскія арганізацыі, якія дзейнічаюць у Беларусі.
17 ліпеня і 18 ліпеня аналагічныя прадаўцы расейскіх сцяжкоў былі заўважаныя ў Наваполацку, а ў пачатку тыдня аршанская міліцыя ўпершыню спыніла такі «бізнэс».
Практычна ва ўсіх выпадках беларускія ўлады ігнаруюць факт раздачы сімволікі суседняй дзяржавы на вуліцах беларускіх гарадоў.