Брытанцам паказалі фотапартрэт прынца
10- 20.07.2014, 16:00
- 18,238
У Брытаніі абнародаваны афіцыйны фотапартрэт прынца Джорджа.
Гэта падзея прымеркаваная да першага дня нараджэння спадчынніка брытанскага трона, які будзе адзначацца ў бліжэйшы аўторак.
Аўтар здымка - фатограф агенцтва Press Association Джон Стылвел, паведамляе BBC.
Фатаграфія была зробленая некалькі тыдняў таму падчас наведвання герцагам і герцагіняй Кембрыджскімі з сынам выставы «Дзівосныя матылі» ў лонданскім Музеі натуральнай гісторыі.
Абвешчана, што ўрачыстасці з нагоды дня нараджэння прынца Джорджа адбудуцца ў Кенсінгтонскім палацы.
Яго Каралеўскае Высокасць прынц Джордж Аляксандр Луі Кембрыджскі нарадзіўся 22 ліпеня 2013 года і з'яўляецца трэцім прэтэндэнтам у чарзе на брытанскі трон услед за сваім дзедам прынцам Чарльзам і бацькам прынцам Уільямам.