Брэд Піт здымецца ў фільме Анджэліны Джолі
3- 20.07.2014, 19:47
- 9,344
Вядомая актрыса анансавала яе чацвёрты рэжысёрскі і другі сцэнарны праект - «Ля мора».
Анджэліна Джолі сыграе адну з галоўных роляў у будучай драме, а яе партнёрам стане Брэд Піт. Гэта будзе другое сумеснае з'яўленне зорнай пары на здымачнай пляцоўцы. У мінулы раз акцёры вельмі эфектна выступілі ў вобразах агентаў у карціне «Містэр і місіс Сміт», з якой і пачаўся адлік іх асабістым адносінам, паведамляе сайт lostfilm.info.
Паводле слоў актрысы, яна збіраецца прыступіць да здымак стужкі «Ля мора» адразу пасля таго, як праца над «Незламаным» будзе цалкам завершаная. Таксама пара Піт-Джолі возьме на сябе прадзюсарскія функцыі ў будучым праекце.
Карціну «Незламаны» варта чакаць у айчынным пракаце 5 лютага 2015.