28 сакавiка 2024, Чацвер, 12:12
Падтрымайце
сайт
Сім сім,
Хартыя 97!
Рубрыкі

Брытанія дамагаецца ўвядзення санкцый ЕЗ супраць ВПК Расеі

18
Брытанія дамагаецца ўвядзення санкцый ЕЗ супраць ВПК Расеі

Лондан патрабуе ўвядзення санкцый супраць абароннага сектара Расеі.

Пра гэта паведамляе Bloomberg са спасылкай на крыніцу ў асяроддзі брытанскага прэм'ер-міністра, піша Цензор.нет.

Санкцыі, якія прапануе брытанскі прэм'ер-міністр Дэвід Кэмэран, прадугледжваюць забарону на экспарт расейскага ўзбраення ў краіны Еўразвязу. Брытанскі ўрад таксама выступае за ўвядзенне санкцый супраць асоб і кампаній, якія матэрыяльна падтрымліваюць баевікоў на ўсходзе Украіны ці падтрымліваюць урад РФ.

Кэмэран учора ўвечары размаўляў з Уладзімірам Пуціным праз тэлефон і заявіў, што падтрымка Расеяй баевікоў была "ўнёскам у жудасную трагедыю". Прэм'ер-міністр запатрабаваў ад Пуціна "змяніць курс і працаваць, каб забяспечыць стабільнасць ва ўсходняй Украіне".

Імкненне Лондана ўвесці дадатковыя санкцыі супраць Масквы абумоўлена, у прыватнасці, тым, што на борце малайзійскага Boeing, які разбіўся 17 ліпеня ў Данецкай вобласці было 10 брытанскіх падданых.

Нагадаем, раней прэм'ер-міністр Вялікабрытаніі Дэвід Кэмэран заявіў, што ў дачыненні да Расеі варта ўжыць больш жорсткія санкцыі, калі Масква не зменіць свой падыход у дачыненні да сітуацыі са збітым над Украінай авіялайнерам. Таксама, са слоў Кэмэрана, "калі прэзідэнт Пуцін не зменіць свой падыход да Украіны, то Еўропа і Захад павінны фундаментальна змяніць стаўленне да Расеі".

Напісаць каментар 18

Таксама сачыце за акаўнтамі Charter97.org у сацыяльных сетках