Пастаўшчык ракеты, што збіла «Боінг», карыстаўся падатковымі ільготамі ў Галандыі

Гэта хваравіта груба дэманструе, хто твае сябры.

«Галандская прэса паведаміла, што расейскі пастаўшчык узбраенняў «Рособоронэкспорт», экспарцёр ракетнай сістэмы «Бук», з якой, магчыма, быў збіты борт MH17, карыстаўся фінансавымі перавагамі гэтай маленькай еўрапейскай краіны для продажу сучаснага ўзбраення дыктатарам накшталт Кадафі», - сцвярджае ABC, спасылаючыся на галандскую газету De Volkskrant. Цалкам магчыма, адміністрацыйна-прававыя працэдуры экспарту ЗРК «Бук» зацвярджаліся і санкцыянаваліся з філіяла «Рособоронэкспорта» ў Амстэрдаме», піша журналіст Фернанда Эльер, пераказваючы артыкул.

Артыкул у De Volkskrant называецца так: «Пастаўшчык ракеты, якая збіла MH17, мае галаўны офіс у Зюйдасе». Зюйдас - фінансавы квартал Амстэрдама, тлумачыць аўтар.

De Volkskrant, у сваю чаргу, спасылаецца на расследаванне галандскага сайта 925. У сувязі з тым, што большасць загінулых у катастрофе малайзійскага лайнера - галандцы, адзін з аўтараў расследавання палічыў іроніяй той факт, што Галандыя садзейнічала і як мяркуецца, прадаўжае садзейнічаць экспарту ўзбраенняў кампаніямі накшталт «Рособоронэкспорта», піша Инопресса.ру.

«Гэта хваравіта груба дэманструе, хто твае сябры. Таксама гэта тлумачыць, чаму [прэм'ер-міністр Галандыі] Рутэ рэагуе [на драму MH17] гэтак стрымана. Галандыя - калыска расейскай эліты, якая стварала капіталы ў нашай краіне», - сказала крыніца журналісцкага расследавання, якая пажадала застацца ананімнай.

«Калі яго спыталі аб гэтай інфармацыі, афіцыйны прадстаўнік «Рособоронэкспорта» ў Галандыі адмаўляў, што ёсць якая-небудзь «раскейская сувязь» з гэтай тэмай», - дадае аўтар.

Паводле расследавання 925, у Зюйдасе грунтуецца Alliance Rostec Auto BV, названая ў артыкуле «вяршыняй складанай структуры з фірмаў, якія здабываюць выгаду са значных падатковых пераваг Галандыі».

Alliance Rostec Auto BV «звязаная з «Ростехом», дзяржкарпарацыяй, якая прасоўвае экспарт у Расеі, і з «Рособоронэкспорт», расейскім вытворцам ўзбраенняў, які штогод экспартуе вайсковую тэхніку на 10 млрд еўра», цытуе аўтар артыкул у De Volkskrant.

Фота: EFE