Мянчук прыдумаў простую схему падману касіраў у абменніках

Цяпер жыхар сталіцы знаходзіцца ў вышуку.

У Савецкі РУУС сталіцы звярнуліся прадстаўнікі двух банкаў з заявай аб тым, што ў падчас правядзення валютна-абменных аперацый пакуль невядомы мужчына шляхам падману касіраў завалодаў грашовымі сродкамі ў суме 6.400.000 і 5.800.000 беларускіх рублёў адпаведна. Падчас разбору аператыўнікамі былі канфіскаваныя запісы камер відэаназірання, размешчаных у банках. Вывучыўшы відэа, праваахоўнікі ўстанавілі схему ўчынення злачынстваў, піша onliner.by.

Так, невядомы мужчына звяртаўся да касіра з просьбай абмяняць нейкую суму.

- Перадаўшы грошы, «кліент» клаў на стойку сваю торбачку, робячы выгляд, што размаўляе праз тэлефон. Праводзячы абменную аперацыю, работніца банка перадавала мужчыну суму грошай у беларускіх рублях, - распавяла Вольга Яскевіч, старшы інспектар ГК. - Далей мужчына нібыта адрываўся ад тэлефоннай размовы, браў у рукі грошы і казаў, што прасіў абмяняць валюту на расейскія рублі. У гэты момант ён адной рукой заломваў частку купюр і хаваў іх пад стойку, а астатнія вяртаў. Касір, не пералічваючы грошы зноўку (бо з поля зроку яны не знікалі), выдавала мужчыну грошы ўжо ў расейскіх рублях.

Міліцыя просіць усіх, хто валодае якой-небудзь інфармацыяй аб зламысніку альбо аб яго магчымым месцазнаходжанні, звяртацца ў Савецкае РУУС Менска. Канфідэнцыяльнасць гарантуецца.