Петэр Матэ: Мы маем намер узяць рэванш у БАТЭ за паразу два гады таму

Абаронца вугорскага «Дэбрэцэна» падзяліўся чаканнямі ад матчу трэцяга кваліфікацыйнага раўнду Лігі чэмпіёнаў.

«Нават не ведаю, наколькі змяніўся БАТЭ ў параўнанні з тымі нашымі матчамі. Будзем вывучаць спаборніка. Але я ўпэўнены, што барысаўцы па-ранейшаму добрая каманда і нам будзе гэтак жа цяжка, як і два гады таму. Тады БАТЭ скарыстаўся момантам і прайшоў «Дэбрэцэн». Мы ж цяпер маем намер узяць рэванш у БАТЭ за тое супрацьстаянне.

Так, БАТЭ будзе яшчэ больш матываваны, бо матч у адказ яны згуляюць на сваім полі. А на выездзе на іх не будзе ціску. Але мы таксама маем намер давесці сваім заўзятарам, што мы моцны клуб. Не кажучы ўжо пра тое, што прайсці спаборніка для нас - справа гонару і прэстыжу. Упэўнены, на першай гульні збярэцца поўны стадыён, які падтрымае нас як трэба», - сказаў Петэр Матэ.

Пераможца двухматчавага супрацьстаяння «Дэбрэцэн» - БАТЭ выйдзе ў плэй-оф Лігі чэмпіёнаў, пасля чаго клуб гарантуе трапленне ў групавы этап Лігі чэмпіёнаў або Лігі Еўропы, піша «Трыбуна».

БАТЭ ўжо сустракаўся з вугорскім клубам на стадыі кваліфікацыі Лігі чэмпіёнаў у сезоне 2012/2013. Тады барысацы прайшлі «Дэбрэцэн» у 3-м кваліфікацыйным раўндзе і выйшлі ў плэй-оф. Першы матч у Барысаве закончыўся нічыёй - 1:1, а гульня ў адказ скончылася перамогай БАТЭ - 2:0.

Матчы 3-га кваліфікацыйнага раўнду Лігі чэмпіёнаў 29. Сустрэча ў адказ адбудзецца 5 жніўня Барысаве.