Ванэса Мэй зноў выступіць у Менску

Скрыпачка Ванэса-Мэй дасць канцэрт у Палацы Рэспублікі 10 снежня.

Гэта будзе ўжо трэцяе выступленне артысткі ў сталіцы Беларусі за апошнія чатыры гады.

Брытанская скрыпачка тайскага паходжання Ванэса Мэй вядомая дзякуючы сваім тэхнічным апрацоўкам класічных кампазіцый. Міжнародны поспех да яе прыйшоў у 1995 годзе, калі яе чацвёртая па ліку і першая ў стылістыцы тэхна-поп пласцінка «The Violin Player» размясцілася на верхніх радках розных хіт-парадаў свету. За чатыры месяцы альбом стаў залатым, усяго было прададзена больш за 8 мільёнаў яго асобнікаў, піша ultra-music.com.

Артыстка выкарыстоўвае ў сваіх выступах тры розныя мадэлі скрыпак: яе асноўным інструментам з'яўляецца класічная скрыпка Gizmo працы сямейства Гванданьіні, вырабленая ў 1761 годзе. Таксама ў яе ёсць белая скрыпка з кветкамі амерыканскага сцяга і серабрыста-белыя электраскрыпка Zeta Jazz Model, вырабленыя ў ЗША, і некалькі скрыпак Ted Brewer Violins.

У Менск Ванэса Мэй прывязе праграму, якую складуць яе новыя і самыя папулярныя кампазіцыі, сярод якіх «Storm», «Picante», «I Feel Love», «Yantra», «Summer Haze». Квіткі на канцэрт ужо паступілі ў продаж. Іх кошт складае ад 460 тысяч да 1,5 млн беларускіх рублёў.