Фотафакт: Прабач, Галандыя

Расейская «Новая газета» выйшла з выбачэннямі за збіты прарасейскімі тэрарыстамі малайзійскі «Боінг».

На першай старонцы выдання надрукаванае вялікае фота з выявай жалобнай працэсіі аўтамабіляў, якая рухаецца па шашы. Над фота - буйнымі літарамі на нідэрландскай мове напісана Vergeef ons, Nederland - «Прабачце нас, Нідэрланды». Ніжэй - фраза на расейскай мове «Прабач, Галандыя».

Нагадаем, 17 ліпеня блізу 17.00 паводле кіеўскага часу авіялайнер «Боінг-777» кампаніі Malaysia Airlines быў збіты расейскімі баевікамі з выкарыстаннем устаноўкі зенітна-ракетнага комплексу «Бук». Паводле інфармацыі авіякампаніі, на борце знаходзіліся 283 пасажыры і 15 чальцоў экіпажа, усе яны загінулі. Паводле звестак авіякампаніі Malaysia Airlines, на борце збітага «Боінга» знаходзілася 192 грамадзяніны Нідэрландаў.