Замежным прадстаўніцтвам у Беларусі забаранілі выдаваць заробак у валюце
8- 25.07.2014, 19:09
- 18,038
Супрацоўнікі замежных прадстаўніцтваў, незалежна ад свайго грамадзянства, павінны з 25 ліпеня атрымліваць заробак у беларускіх рублях.
Адпаведная забарона уваходзіць у дзеянне з 25 ліпеня згодна з законам ад 8 студзеня 2014 "Аб унясенні змен і дадаткаў у Працоўны кодэкс Рэспублікі Беларусь". Згодна з дакумэнтам, з Працоўнага кодэкса выключаны артыкул, у якім прапісваліся асаблівасці рэгулявання працоўных стасункаў з работнікамі замежных прадстаўніцтваў і арганізацый з замежнымі інвестыцыямі, піша "Ежедневник".
З выключэннем гэтага артыкулу з ПК азначаная катэгорыя работнікаў падпадае пад агульны парадак выплаты заробку.
Згодна з ПК, заробак выплачваецца ў грашовых адзінках Беларусі. Прычым, названая норма з'яўляецца імператыўнай. Яна ўжываецца ў дачыненні да ўсіх працаўнікоў, незалежна ад іх грамадзянства, якія ўклалі працоўнае пагадненне на тэрыторыі Беларусі.