Амбасадар ЗША давёў, як расейская артылерыя абстрэльвае Украіну
9- 27.07.2014, 17:38
- 58,334
На здымках, зробленых з космасу, пазначана размяшчэнне вайсковай тэхнікі.
Пасол Злучаных штатаў Амерыкі ва Украіне Джэфры Пает апублікаваў у сябе ў «Твітэры» спадарожнікавыя фатаграфіі артылерыйскага абстрэлу Украіны з тэрыторыі Расейскай федэрацыі.
«Здымкі атакі Украіны з Расеі самаходнай артылерыяй, якую можна знайсці толькі ў расейскіх падраздзяленнях», - напісаў Пает.
На здымках адлюстраваныя расейскія САУ, якія вядуць агонь па тэрыторыі Украіны і падраздзяленні ВСУ, па якіх вядзецца стральба. Абедзве фатаграфіі прымацаваныя да кропак на мясцовасці, піша korrespondent.net.
Як паведамлялася, раней Джэфры Пает апублікаваў у сетцы фатаграфіі «расейскага навучальнага цэнтра сепаратыстаў», як мяркуецца, зробленыя са спадарожніка ЗША.