Кангрэс ЗША хоча прызнаць Украіну вайсковым хаўруснікам

Законапраект забяспечыць магчымасць паставак Кіеву зброі і тэхнікі.

У Кангрэс ЗША занесены праект рэзалюцыі, які прапануе прызнаць Украіну пазаблокавым вайсковым хаўруснікам NATO. Законапраект унеслі кангрэсмэны ад абедзвюх партый на чале з сустаршынём украінскай групы Палаты прадстаўнікоў ЗША Джымам Герлахом, а таксама Мерсі Каптур і Сандэрам Левіным, піша usubc.org.

Прапануецца арганізаваць наўпроставую вайсковую падтрымку і дапамогу ў забеспячэнні бяспекі ўраду Украіны, у той час як ён "імкнецца ўмацаваць дэмакратыю і прадухіліць гвалт і агрэсію з боку сепаратыстаў у рамках сваіх межаў", паведамляе NEWSru.com.

Кангрэсмэны спадзяюцца, што законапраект умацуе трывалыя стасункі паміж ЗША і Украінай і забяспечыць важныя крокі дапамогі Кіеву ў барацьбе з сепаратыстамі. У выніку ўкраінскім уладам будзе нададзеная адэкватная і патрэбная дапамога для абароны дэмакратыі і суверэнітэту.

Са слоў Джыма Герлаха, украінскі народ выразна выказаў ахвоту збудаваць больш моцную дэмакратычную дзяржаву і ўсталяваць шчыльныя сувязі з Еўрапейскім Звязам і Захадам. "На жаль, як паказалі нядаўнія падзеі, Расея не збіраецца прызнаваць суверэнітэт Украіны і далей мяшаецца ў падзеі на мяжы краіны", - адзначыў кангрэсмэн, адказаўшы, што амерыканскія ды ўкраінскія ўлады падалі довады, што сепаратысты і найміты, узброеныя расейскімі тэхналогіямі і зброяй, далей распальваць хаос і нестабільнасць.

У сваю чаргу чалец палаты прадстаўнікоў Сандэр Левін дадаў, што, згодна з пададзенымі сусветнай супольнасцю довадамі, Расея пастаўляе сепаратыстам зброю, у тым ліку зенітна-ракетныя комплексы, з аднаго з якіх быў збіты малайзійскі самалёт Boeing-777. Як падкрэсліў Левін, кангрэсмэны хочуць паказаць, што Злучаныя Штаты падтрымліваюць народ Украіны і дапамогуць яму абараніцца ад дзеянняў Расеі ў дэстабілізацыі абстаноўкі.

Са слоў Мерсі Каптур, прыйшоў час, каб ЗША забяспечылі разумную дапамогу ў забеспячэнні бяспекі Украіны. Член Кангрэса адзначыла, што важна зрабіць Украіну вайсковым хаўруснікам NATO, які не ўваходзіць у блок, каб Кіеў атрымаў жыццёва важныя рэсурсы і гарантыі бяспекі, якія альянс прапануе сваім чальцам.

Як адзначыла Каптур, свет стаў сведкам дэстабілізацыі Украіны цягам некалькіх месяцаў, і тое, што адбылося апошнім часам ілюструе абуральную адмову прэзідэнта РФ Уладзіміра Пуціна выкарыстаць свой уплыў, каб пакласці канец нестабільнасці і гвалту на Украіне. Злучаныя Штаты далей падтрымліваць Украіну і яе народ, якія маюць поўнае права на суверэнітэт, тэрытарыяльную цэласнасць і самавызначэнне, адзначыла палітык.

Раней пра тое, што ЗША неўзабаве могуць надаць Украіне статус прывілеяванага пазаблокавага ваеннага партнёра NATO са спасылкай на ўласныя крыніцы заявіў былы кіраўнік замежнай разведкі Службы бяспекі Украіны Мікалай Маломуж. Прэзідэнт краіны Пётр Парашэнка таксама не выключаў, што Кіеў можа запытаць у ЗША такі статус.

Статус пазаблокавага партнёра дасць магчымасць Украіне атрымаць ад ЗША пашыранае фінансаванне на закупку і арэнду вайсковай тэхнікі і абаронных комплексаў, а таксама права на пастаўкі вайсковай тэхнікі і ўзбраенняў падчас вайны. Акрамя таго, Украіна зможа ўдзельнічаць у некаторых кантрактах для закупкі элементаў сістэмы абароны ЗША. Статус прывілеяванага партнёра ЗША - не чальца NATO маюць цяпер 15 краін, у тым ліку Афганістан, Аргентына, Паўднёвая Карэя, Тайланд, Аўстралія, Аўстрыя і Японія.