Аляксандр Гальчэнюк адмовіўся ўзначаліць Федэрацыю хакея

Вядомы ў мінулым хакеіст і дзейны трэнер Аляксандр Гальчэнюк адказаў на прапанову балатавацца на пасаду старшыні ФХРБ адмовай.

Пра гэта распавёў генеральны мэнэджар менскага «Дынама» Уладзімір Беражкоў, паведамляе сайт клуба.

«Што да Сашы Гальчэнюка, мелі стусункі з ім вельмі часта і нефармальна. На гэты сезон у яго галоўная мэта - сын. Ім ён апякуецца, з ім жыве і працуе. У будучыні бачыць сябе выключна трэнерам, не функцыянерам. Ігар Ларыёнаў сказаў мне, што гэта наступны кіраўнік у менскім «Дынама». Але мне, прызнацца, хацелася б, каб «наступны» у клубе спатрэбіўся вельмі не хутка. Ёсць варыянт ў зборнай. Чаму не?»- напісаў Беражкоў.