У Нямеччыне выйшла кніга Святланы Алексіевіч «Апошнія сведкі»

У творы "Апошнія сведкі" сабраныя ўспаміны людзей, чыё дзяцінства прыпала на вайну.

Кніга "Апошнія сведкі" беларускай пісьменніцы і журналісткі, лаўрэата Прэміі свету нямецкага кнігагандлю Святланы Алексіевіч выйшла на нямецкай мове ў панядзелак, 28 ліпеня, у бэрлінскім выдавецтве Hanser, піша dw.de.

У гэтым творы сабраныя ўспаміны людзей, чыё дзяцінства прыпала на Другую сусветную вайну. Стварыўшы яго, Святлана Алексіевіч чарговым разам прадэманстравала сваю пазіцыю перакананага пацыфіста. У сувязі з сітуацыяй, якая склалася ва Украіне, паднятая ў кнізе тэма набывае асаблівую актуальнасць.