Цыгарэты падаражэлі
1- 28.07.2014, 18:22
- 13,668
Падвышаныя кошты некаторых марак цыгарэт.
Інфармацыя аб новых коштах размешчаная на сайце Міністэрства падаткаў і збораў Беларусі, піша БелаПАН.
Так, на 2% (да 7,4 тысячрублёў) падвышаецца кошт цыгарэт Cooper і Cooper Gold і на 2,8% (да 10,4 тысяч рублёў) - на пяць версій цыгарэт маркі Velvet.
Таксама ўстаноўленыя кошты цыгарэт, шо імпартуюцца ў Беларусь прадпрыемствам "Беларусьгандаль". На цыгарэты Mevius Revo 5 кошт - 16 тысяч рублёў, Mackintosh - 105 тысяч рублёў, на Cherokee Nicaragua blend і Cherokee Dominicana blend - 22 тысячы рублёў.
Як паведамлялася раней, 1 ліпеня на асобныя маркі цыгарэт кошты былі падвышаны на 1,9-9,6%.
Згодна з Асобнай часткай Падатковага кодэкса, з 1 студзеня 2012 года беларускія вытворцы і імпарцёры цыгарэт маюць права штомесяц дэклараваць максімальныя раздробныя кошты цыгарэт. Раней раздробныя кошты рэгуляваліся Міністэрствам эканомікі.