«Крытычная маса» сабрала 100 жыхароў Баранавічаў
3- 28.07.2014, 21:13
- 14,111
Веласіпедысты арганізавана праехалі цэнтральнымі вуліцамі горада.
Пра гэта піша «Наша Нiва».
Такія акцыі, як «Крытычная маса» праводзяць у многіх гарадах свету. Традыцыйна гэта апошняя пятніца месяца. У Баранавічах упершыню такая акцыя стала праводзіцца ў гэтым годзе, і не адзін раз у месяц, а два: у другую і апошнюю пятніцы.
Ужо адбыліся чатыры «Крытычныя масы». Колькасць удзельнікаў павялічылася з 40 (першым разам) да 104 (апошнім). Сярод удзельнікаў былі дзеці з бацькамі і людзі сталага ўзросту.
«Рэакцыя аўтамабілістаў і пешаходаў на вялікую колькасць веласіпедыстаў на вуліцы была вельмі пазітыўная, мы бачылі шмат усмешак і чулі шмат добрых слоў», - кажуць удзельнікі акцыі.
Фота: nn.by