У Дамадзедаве самалёт затрымаўся ў расплаўленым асфальце

У аэрапорце Дамадзедава на некалькі гадзін затрымалі вылет пасажырскага самалёта з Масквы ў Новасібірск праз тое, што лайнер затрымаўся на ўзлётнай паласе.

Пра гэта распавялі відавочцы «Камсамольскай праўдзе».

З іх слоў, «Боінг» не змог выехаць на ўзлётна-пасадачную паласу, паколькі заднія шасі самалёта праваліліся прыкладна на 10-15 сантыметраў у расплаўлены ад спёкі асфальт.

Прэс-сакратарка аэрапорта Дар'я Коршунава пацвердзіла «Дажджу», што «анамальна высокія тэмпературы паветра прывялі да нязначных лакальных парушэнняў пакрыцця месца стаянкі паветранага судна».

«Боінг-737» авіякампаніі S7 павінен быў вылецець а 11:15 паводле маскоўскага часу, аднак вылет прыйшлося адкласці да 16:00. Пасажыраў размясцілі ў памяшканні аэравакзала, падаўшы ім напоі і ежу.

Сіноптыкі Гідраметцэнтра прысвоілі маскоўскаму надвор'ю вышэйшы ўзровень небяспекі. Паводле прагнозаў, да выхадных слупок тэрмометра можа падымацца да плюс 35 градусаў.

Фота: Укладаў Алег, kp.ru