Трэцяя хваля санкцый абрынула расейскі рубель

Чаканне трэцяга пакета санкцый з боку Захаду вывела расейскіх інвестараў з раўнавагі.

Расейскі рубель працягвае слабець у дачыненні да асноўных сусветных валют. Падчас ранішніх таргоў ў аўторак курс еўра з разлікам tomorrow (EURRUB_TOM) упершыню з 13 траўня 2014 года перавысіў адзнаку ў 48 руб. Пра гэта сведчаць звесткі Маскоўскай біржы. Даляр таксама ўмацаваўся ў дачыненні да расейскага рубля, прабіўшы адзнаку ў 37,5 руб, піша Gazeta.ru.

У выніку такога ціску на рубель з боку прадаўцоў Цэнтрабанк быў вымушаны зноў падвысіць афіцыйны курс валют, абвешчаны на заўтра.

Афіцыйны курс еўра да рубля, усталяваны ЦБ на сераду, вырас на 38,36 капеек, да 47,86 рубля, курс даляра падняўся на 28,82 капеек, да 35,63 рубля за даляр.

Кошт бівалютнага кошыка павялічылася ў параўнанні з паказчыкам на аўторак на 33 капейкі, склаўшы 41,14 руб.

Асноўнымі прычынамі паслаблення рубля застаюцца канфлікт ва Украіне, а таксама чаканне новых санкцый з боку ЕЗ, адзначаюць аналітыкі.

«Рубель, не маючы іншай падтрымкі, акрамя стабільна высокіх коштаў на нафту (барэль Brent сёння каштуе больш $108), пад ціскам геапалітыкі працягне спад у дачыненні да даляра і еўра, - кажа «Газете.Ru» намеснік дырэктара аналітычнага дэпартамента «Альпары» Дар'я Жаланава. - Нядаўняе падвышэнне ключавой стаўкі расейскім Цэнтрабанкам, як бы спрэчна яно ні выглядала з пункту гледжання тэмпаў эканамічнага росту, у перспектыве можа аказаць некаторую падтрымку курсу нацыянальнай валюты. І ўсё ж вызначальным фактарам цяпер з'яўляецца пастанова ЕЗ наконт санкцый».

Расейскія фондавыя індэксы таксама працягваюць абнаўляць лакальныя мінімумы, апусціўшыся да узроўняў пачатку траўня. Падчас таргоў у першай палове дня індэкс ММВБ (MICEX) на Маскоўскай біржы апусціўся да ўзроўню 1357,84 пункта. Індэкс РТС упершыню з пачатку траўня 2014 года ўшчыльную наблізіўся да адзнакі 1200 пунктаў, некалькі разоў паспрабаваўшы прабіць гэты ўзровень.

На адкрыцці таргоў расейскія індэксы паспрабавалі пачаць расці. У першыя хвіліны індэкс ММВБ падвысіўся на 0,19% і склаў 1364,52 пункта. Індэкс РТС вырас на 0,14%, да 1210,47 пункта, сведчаць звесткі Маскоўскай біржы.

Аднак спроба адыграць тэндэнцыю на спад, якая доўжылася апошні тыдзень, скончылася нічым, і біржавыя індэксы пачалі абнаўляць лакальныя мінімумы.

Зрэшты, да 13.00 мск пакупнікам атрымалася перахапіць ініцыятыву ў прадаўцоў, і індэксы зноў пачалі расці. Паводле стану на 14.25 мск індэкс ММВБ вырас на 0,72%, дасягнуўшы адзнакі ў 1372,58 пункта. Індэкс РТС падняўся на 0,15%, да 1210,60 пункта.

У лідарах росту сённяшняга дня знаходзяцца акцыі металургаў. Звычайныя акцыі «Поўначсталі» выраслі на 2,31%, растуць і звычайныя акцыі «Нарнікеля» (1,42%). Таксама растуць акцыі нафтавых кампаній: «Газпром» (0,17%), «Раснафта» (0,88%), «ЛУКОЙЛ» (0,89%), «Сургут Нафтагаз» (1,32%) .

Няўдала пачаўся дзень для акцый ВТБ і Ашчадбанка. У пачатку дня каштоўныя паперы ВТБ, а таксама звычайныя і прывілеяваныя акцыі Ашчадбанка пачалі зніжацца на фоне чутак аб магчымых санкцыях з боку ЕЗ. У выніку паводле стану на 14.44 мск акцыі ВТБ абрынуліся на 0,3%, да 0,039 руб. за акцыю. А вось Ашчадбанку ўдалося адыграць ранішняе падзенне. Паводле стану на 14.44 мск звычайныя акцыі Сбера дадалі 0,32% і дасягнулі адзнакі ў 73,12 рублі.