Жыровічам і Любчы вярнулі старажытныя гербы

Заснаваныя гербы некалькіх населеных пунктаў Віцебскай і Гарадзенскай абласцей.

Пастанова аб гэтым прынятая «ў мэтах аднаўлення гістарычных і стварэння новых афіцыйных геральдычных сімвалаў некаторых адміністрацыйна-тэрытарыяльных і тэрытарыяльных адзінак Беларусі». Пра гэта паведамілі ў прэс-службе Лукашэнкі.

Заснаваны герб аграгарадка Бабінавічы Лёзненскага раёна Віцебскай вобласці.

У Гарадзенскай вобласці заснаваныя гербы гарадскога пасёлка Любча Навагрудскага раёна, аграгарадка Жыровічы Слонімскага раёна і аграгарадка Адэльск Гарадзенскага раёна.

Указам таксама зацверджаны палажэнні аб гербах адпаведных адміністрацыйна-тэрытарыяльных і тэрытарыяльных адзінак.

Любча і Жыровічы атрымалі свае гербы разам з Магдэбургскім правам у XVI-XVII стагоддзях. Зацверджаная сімволіка населеных пунктаў ідэнтычная ім.