Арцём Мілеўскі знайшоў новы клуб
- 29.07.2014, 21:20
- 15,234
Ураджэнец Менска і былы футбаліст зборнай Украіны, доўга знаходзіўся без працы, і нарэшце знайшоў новы клуб.
Экс-гулец кіеўскага «Дынама» перайшоў у «Хайдук» са Спліту. Праўда, падрабязнасці пагаднення на афіцыйным сайце харвацкага клуба не выдаюцца, піша ua-football.com.
Прадстаўленне «майстэрскага нападніка» адбудзецца ў пятніцу пасля вяртання клуба з Караганды, дзе ён 31 ліпеня пазмагаецца з казахстанскім «Шахцёрам» у матчы 3-га раўнда кваліфікацыі Лігі Еўропы.
Нагадаем, што Мілеўскі пакінуў кіеўскае «Дынама» ў верасні 2013 года, пасля чаго ненадоўга затрымаўся ў Турцыі ў «Газіянтэпспар», з якім развітаўся ў студзені 2014 года. Пасля гэтага ў канцы лютага ён заключыў кантракт з казахстанскім «Актабэ», аднак і з гэтым клубам супрацоўніцтва не атрымалася.
Фота: Getty Images