50 менскіх аўтобусаў абсталявалі камерамі відэаназірання
28- 30.07.2014, 14:49
- 12,200
У беларускай сталіцы з'явіліся новыя аўтобусы, абсталяваныя сістэмай відэаназірання ў салоне.
За тым, што адбываецца сочыць кіроўца: у ягонай кабіне ўсталяваны манітор. Пра гэта паведамляе тэлеканал СТВ.
Начальнік аддзела тэхнічнага кантролю філіяла «Аўтобусны парк №5» Аляксей Савіцкі кажа, што змены ўжо прыкметныя: хуліганы значна радзей малююць і пішуць на крэслах. Таксама ён адзначае, што навіна «вельмі зручна для кіроўцы ў плане бяспекі руху - пры пасадцы і высадцы пасажыраў».
Інфармацыя з відэакамер будзе захоўвацца цягам 30 дзён.