Маштабныя пажары пад Менскам: неба над горадам зацягнутае дымам
25- 31.07.2014, 14:34
- 85,928
Паўночныя і ўсходнія раёны беларускай сталіцы сёння днём завалакло дымам.
Пра гэта паведаміў у «Твітэры» карыстальнік Nordan. «Перад уездам у Менск на М4 цяпер гарыць поле са збожжам», - піша ён.
Рэдакцыя сайта charter97.org звярнулася за ўдакладненнямі да прэс-сакратар МНС Віталя Навіцкага. «Не ў курсе, ні аб якім пажары мне не вядома. Хай тыя людзі, якія размяшчаюць фатаграфіі пажару ў інтэрнэце, патэлефануюць на нумар 101», - сказаў ён.
Ужо праз некалькі хвілін МНС распаўсюдзіла афіцыйнае паведамленне пра пажары. Як высветлілася, ёсць два месцы ўзгарання. «Ля Менска гарыць іржышча, а не поле са збожжам. Нашы падраздзяленні працуюць», - паведаміў БелТА прэс-сакратар ведамства.
2/2 Минский р-н, в поле возле д. Малый Тростенец горение стерни и сухой травы. Задействованы 9 единиц техники, в т.ч. МЧС
— 112.by МЧС Беларуси (@112by) 31 июля 2014
Гарэнне ржышча і сухой травы назіралася ў раёне вуліцы Карастаянавай і Даўгінаўскага тракта. Для тушэння там знаходзіцца 13 адзінак тэхнікі, у тым ліку МНС. Таксама ржышча і сухая трава гарэлі ў Менскім раёне на полі каля вёскі Малы Трасцянец, дзе працуе 9 адзінак тэхнікі.
У выніку пры ўдзеле больш за 20 адзінак тэхнікі, у тым ліку гелікоптэра Мі-8 авіяцыі МНС, пажар патушылі.
Летит вертолет @112by тушить поле pic.twitter.com/pFClLnPUew
— MZaa (@mzaas) 31 июля 2014