З вогненнага менскага гатэля эвакуявалі 40 чалавек
1- 1.08.2014, 12:41
- 14,011
Сёння поначы гарэў міні-гатэль «Ля Менска», размешчаны на завулку Ярмак.
Пажар узнік прыкладна а 01:30, паведамілі сайту charter97.org у прэс-службе МНС.
«Пасля прыбыцця падраздзяленняў МНС падчас правядзенні выведкі было выяўлена загаранне маёмасці ў пакоях, размешчаных у двух-і трохпавярховай частках будынка, на агульнай плошчы 75 квадратных метраў, кроквеннай сістэмы даху на плошчы 150 квадратных метраў», - гаворыцца ў паведамленні.
Пажар ліквідаваны а 03:06. Падраздзяленнямі МНС з вогненнага дома эвакуявана 40 чалавек.
«У выніку пажару пацярпела маёмасць у 9 пакоях размешчаных на 1-3 паверхах, драўляныя латы даху на плошчы 340 квадратных метраў, летняя веранда», - адзначаюць у МНС.
Прычына здарэння высвятляюцца.