ДМК зрабіў больш жорсткім увоз тавараў для асабістага карыстання

Новаўвядзенні зрабілі на беларускай мяжы без шуму з 1 жніўня.

Новыя метадычныя рэкамендацыі ў вызначэнні прызначэння і кошту тавараў, што перамяшчаюцца фізічнымі асобамі, апублікаваныя на сайце Дзяржаўнага мытнага камітэта Беларусі.

Цяпер беларусы могуць завезці з-за мяжы МС не больш за 1 літр алкаголю раз у 7 дзён і часцей (раней абмежаванне складала 3 літры на чалавека), а калі грамадзянін перасякае мяжу пешшу, то з сабой ён можа пранесці не больш за паўлітра любога алкаголю, у тым ліку піва.

Зрэзаны ліміт бяспошліннага ўвозу прадуктаў харчавання ўдвая. Раз у тыдзень можна завезці не больш за 5 кг ежы, а калі грамадзянін бывае за мяжой часцей чым 1 раз у дзень, яму наогул забаронена правозіць любыя прадукты.

Абмежаванні закранулі таксама ўвоз шын і дыскаў для аўто. Цяпер адзін чалавек можа ў год завезці пры выкананні працэдуры толькі адзін камплект летняй або зімовай «гумы». Забарона распаўсюджваецца нават на тых, хто завёз камплект шын да ўвядзення новых правілаў. Да нядаўняга часу «пераабуць» машыну можна было двойчы на год - завезці адзін камплект летняй і адзін камплект зімовай «гумы», а аўтамабільныя дыскі ўвогуле належалі да запчастак і іх можна было бязмытна ўвозіць раз у месяц.

Адзін з прадпрымальнікаў, які добра знаёмы з сітуацыяй на мяжы, распавёў charter97.org, што новыя правілы створаць дадатковыя цяжкасці для перасякання беларускай мяжы, але наўрад ці змогуць паўплываць на шэры імпарт з ЕЗ.

«Будзем ездзіць праз Расею. Там такіх жорсткіх абмежаванняў няма», - заявіў прадпрымальнік.