Менскае «Дынама» разграміла браціслаўскі «Слован»

Хакеісты менскага «Дынама» разграмілі браціслаўскі «Слован» у перадсезонным таварыскім матчы.

У рамках трэніровачнага збору ў Краваржэ (Чэхія) «зубры» абыгралі браціслаўскі «Слован», паведамляе карэспандэнт БелТА.

«Дынама» (Менск) - «Слован» (Браціслава, Славакія) - 6:0 (1:0, 2:0, 3:0).

«Дынама»: Хаўген; Шынкевіч - Крайчак, Паўловіч - Кітараў - Кулакоў; Нагачоў - Бэйлен, Лінгле - Вескэ - Развадоўскі; Шварны - Гарошка, Гаўрус - Шчыхура - Чычу (к); К. Захараў - Волкаў - Дрозд; Лісавец, А. Елісеенка.

«Слован»: Янус; Сэрсэн - Т.Мойжыш, Вондрка - Бліжняк - Бартовіч; Сігалет - Фостэр, Алвецкі - Суровы - Надзь; В.Міхалік - Штайнох, Егліч - Тычар - Гудачок; Лужа - Брэйчак, А. Шцястны - Уайт - Бакош.

Шайбы: 1:0 - Лінгле (4.39, у большасці), 2:0 - Бэйлі (20.38), 3:0 - Лінгле (28.35, у меншасці), 4:0 - Вескэ (43.15), 5:0 - Чычу (44.52), 6:0 - Дрозд (47.20).

Сённяшняя сустрэча стала сапраўдным бенефісам пачаткоўцаў менскага «Дынама», якія папоўнілі каманду ў міжсезонне. На іх рахунку пяць з шасці шайбаў у вароты Яраслава Януса.

Аднак спачатку нішто не прадвесціла разгромнага для «Слован» выніку гульні. На стартавым яе адрэзку ні адзін з бакоў не змог завалодаць ініцыятывай. Першая шайба дынамаўцаў была шмат у чым выпадковай. Яна апынулася за спіной галкіпера славацкага клубу пасля кідка Шарля Лінгле з «нязручнай рукі». Са старту другога гульнявога адрэзка перавага «зуброў» стала больш прыкметнай. Яны павялічылі адрыў у ліку крыху больш чым праз паўхвіліны пасля перапынку і далей зайгралі яшчэ больш упэўнена. Тым не менш, праз слабую рэалізацыю галявых момантаў хакеістамі беларускага клуба лік надалей заставаўся ранейшым. Сітуацыю змяніў Раян Вескэ, які закінуў тады, калі яго партнёры мелі недакамплект ў складзе. У трэцім перыядзе дынамаўцы давялі справу да разгрому, тройчы закінуўшы ў атаку камбінацыйны стыль. Моцным звяном у дзеяннях менчукоў стала гульня ў абароне. Не прапусціць ім атрымалася шмат у чым дзякуючы ўпэўненай гульні ля брамы Ларса Хаўгэна.

Як паведамлялася, у першым перадсезонным матчы менскае «Дынама» на хатнім лёдзе прайграла аднаму з наймацнейшых клубаў КХЛ - СКА (Санкт-Пецярбург) - 0:3.

У рамках вучэбна-трэніровачнага збору ў Краваржэ менскія дынамаўцы правядуць яшчэ дзве таварыскія сустрэчы. Іх спарынг з клубам чэшскай экстралігі ХК «Ацеларжы Тршынец» запланаваны на 5 жніўня, а з яшчэ адной дружынай элітнага чэшскага дывізіёна - ХК «Аламоуц» - на 7 жніўня. Пасля гэтага каманда вернецца ў Менск.