З Расеі ў Данецк перакінулі ўстаноўкі «Гваздзіка» (Відэа)
38- 10.08.2014, 10:02
- 57,756
Уночы ў нядзелю, 10 жніўня ў Данецк заехала калона расейскіх самаходных артылерыйскіх установак «Гваздзіка».
Пра гэта паведамляюць мясцовыя жыхары ў сацыяльных сетках.
«Некалькі расейскіх 122-міліметровых самаходных артылерыйскіх установак «Гваздзіка» заехалі ў Данецк», - адзначае адзін з іх у каментары пад відэаролікам, выкладзеным на сэрвісе YouTube сёння ўночы.
Мясцовыя жыхары ў сацыяльных сетках таксама паведамляюць аб абстрэле горада тэрарыстамі.
«Другую ноч запар зазнае абстрэл Кіеўскі раён, сёння гэта было а 04:30 і доўжылася 30 хвілін. Разбурэнні назапашваюцца», - піша адзін з іх.
Нагадаем, учора лідэры сепаратыстаў паведамілі, што ўкраінскія вайскоўцы атачылі Данецк і Горлаўку. Якім чынам у заблакаваны абласны цэнтр патрапілі расейскія ўстаноўкі «Гваздзіка» невядома.