Дзевяць пасажыраў выжылі ў катастрофе самалёта пад Тэгеранам
2- 10.08.2014, 13:35
- 15,211
На борце пасажырскага самалёта, які разбіўся ў Іране, дзевяць чалавек засталіся ў жывых.
Раней дзяржаўная тэлевізія паведаміла, што на борце самалёта, які разбіўся адразу пасля ўзлёту з аэрапорта Тэгерана, ніхто не выжыў.
Паводле звестак IRNA, мінімум 40 чалавек, сямёра з якіх - дзеці, загінулі ў выніку катастрофы. Раней паведамлялася, што на борце Ан-140 кампаніі Sepahan Airlines было 48 чалавек: 40 пасажыраў і 8 чальцоў экіпажа.
Паводле папярэдніх звестак, за некалькі секунд да ўзлёту самалёт страціў правы рухавік, закрануўшы крылом узлётную паласу. Паводле звестак Reuters, самалёт упаў у жылым квартале, але на зямлі ахвяраў не было.
Агенцтва FARS паведаміла, што пілотам самалёта быў грамадзянін Украіны.