Чырвоны Крыж: Мы не ведаем, што вязе «гуманітарная калона» з Масквы

У Чырвоным Крыжы здзіўленыя паведамленнямі аб адпраўленні калоны з гуманітарнай дапамогай для жыхароў усходу Украіны.

У арганізацыі дагэтуль не атрымалі ад Масквы спісу накіраваных грузаў.

У інтэрв'ю з прадстаўніком Міжнароднага Камітэта Чырвонага Крыжа (МКЧК) Андрэ Лёршам (Andre Loersch) Deutsche Welle паспрабавала высветліць, на якім этапе рэалізацыі цяпер знаходзіцца місія выдачы гуманітарнай дапамогі жыхарам усходу Украіны.

- Спадар Лёрш, усе стораны канфлікту, здаецца, сышліся ў меркаваннях аб тым, што цывільнае насельніцтва Усходняй Украіны павінна атрымаць гуманітарную дапамогу. Стораны пагадзіліся і з тым, што каардынацыяй яе паставак павінен займацца МКЧК. Учора здавалася, што пастанова прынятая, аднак цяпер аб калоне гуманітарнай дапамогі з Расеі паступаюць супярэчлівыя паведамленні. Што адбываецца?

- Сапраўды, было дасягнутая прынцыповая згода ўсіх старон з тым, што Расея пры падтрымцы Чырвонага Крыжа даставіць гуманітарную дапамогу ва Украіну. Стораны прыйшлі да высновы, што гуманітарная дапамога павінна быць перададзеная МКЧК з тым, каб нашы супрацоўнікі займаліся яе размеркаваннем. Пасля гэтага мы паспрабавалі атрымаць ад расейскага ўрада канкрэтны спіс таго, што яна ён дае ў якасці гуманітарнай дапамогі, няхай гэта будуць медыкаменты, прадукты харчавання або іншыя рэчы.

Аднак дагэтуль мы гэтага спісу не атрымалі. Менавіта таму нас так здзівіла вестка пра тое, што з Расеі ўсё-ткі накіраваная калона гуманітарнай дапамогі. Гэтыя паведамленні канчаткова нас заблыталі: цяпер мы павінны самі разабрацца ў тым, што адбываецца. У гэты момант паступае такая колькасць рознай інфармацыі, у тым ліку і з расейскіх СМІ, што нам цяжка усё гэта прывесці да агульнага назоўніка.

Сёння раніцай адбылася тэлефонная размова прэзідэнта МКЧК з прэзідэнтам Украіны Пятром Парашэнкам. Мы працягваем кантакты з украінскімі міністэрствамі, каб высветліць, што наогул чаўпецца.

- Якія ўмовы павінны быць выкананыя для таго, каб пачаць гуманітарную місію на Украіне?

- Ва Украіне МКЧК ужо працуе, у тым ліку і на ўсходзе краіны, дзе мы размяркоўваем гуманітарную дапамогу. У прыватнасці, мы дастаўляем медыкаменты ў Данбас, Харкаў, Марыупаль, распаўсюджваем прадукты харчавання і рэчы гігіены.

Асноўнай умовай для нашага супрацоўніцтва з місіяй паставак гуманітарнай дапамогі з Расеі з'яўляецца перадача нам рэчаў дапамогі для праверкі. У гэтым выпадку перадача павінна ажыццяўляцца ў афіцыйным пункце на ўкраінскай мяжы. Рэч у тым, што мы самі вызначаем, каму патрэбная дапамога, самі яе размяркоўваем, захоўваем незалежнасць і працуем у адпаведнасці з прынятымі ў нас крытэрамі.

- Вы згадалі такія вартасці як захаванне нэйтралітэту ў працэсе дзейнасці ў зоне канфлікту. Як можна захаваць незалежнасць ад удзельнікаў канфлікту і не стаць інструмэнтам чыёй-небудзь прапаганды?

- Гэтае пытанне было для нас важнай часткай перамоваў з абедзвюма старанамі. Мы сапраўды прыкладаем усе намаганні, каб заставацца нэйтральнымі, і застаецца спадзявацца, што ніхто і надалей не здолее ўцягнуць нас у які б там ні было канфлікт. Гэта датычыцца ўсіх старон і не толькі ва ўкраінскім канфлікце. Гэты пункт з'яўляецца адным з асноватворных для нашай дзейнасці - бо калі мы страцім незалежнасць, то не зможам працаваць, бо людзі, якія маюць патрэбу ў дапамозе, пакінуць нам давяраць.