Расійскага пасла выклікалі ў МЗС Польшчы праз заявы Жырыноўскага
13- 13.08.2014, 11:04
- 26,912
Нагодай для запрашэння расейскага пасла стала інтэрв'ю Жырыноўскага, дадзенае тэлеканалу «Расея 24».
Міністр замежных спраў Польшчы Радаслаў Сікорскі выклікаў амбасадара Расеі ў Варшаве Аляксандра Аляксеева праз заявы лідэра ЛДПР Уладзіміра Жырыноўскага.
Аб гэтым піша выданне Wiadomosci са спасылкай на прэс-сакратара польскай замежнапалітычнай установы Марціна Вайцяхоўскага.
Нагодай для запрашэння расейскага пасла стала інтэрв'ю Жырыноўскага, дадзенае тэлеканалу «Расея 24». Лідэр ЛДПР заяўляў, што ў выніку канфлікту Расеі і Захаду ва ўкраінскім пытанні Польшча і краіны Балтыі будуць «знішчаныя».
Адказваючы на пытанне, ці сур'ёзна ўспрымае польскі МЗС такія словы Жырыноўскага, Сікорскі адказаў, што так, настолькі сур'ёзна, што амбасадара Расеі запрасілі ў замежнапалітычную ўстанову.