Над Беларуссю прагрымяць навальніцы

Месцамі будуць адзначацца моцныя проліўні, дзе-нідзе можа выпадаць град.

Сёння Беларусь будзе знаходзіцца пад уплывам атмасферных франтоў, якія змяшчаюцца з тэрыторыі Польшчы. Да канца дня ў многіх раёнах краіны пройдуць кароткачасовыя дажджы, прагрымяць навальніцы, месцамі будуць адзначацца моцныя ліўні, дзе-нідзе можа выпадаць град. Вецер паўднёвы з пераходам на заходні слабы да сярэдняга, пры навальніцах месцамі чакаецца шквалістае ўзмацненне парывамі да 15-20 м/с. Максімальная тэмпература паветра будзе вагацца ад +20 на захадзе да +32 на ўсходзе краіны. Пра гэта сайту charter97.org паведамілі ў (Гідраметцэнтры www.pogoda.by) краіны.

Бліжэйшы дзень, 13 жніўня, варункі надвор'я на тэрыторыі Беларусі ў асноўным будзе вызначаць больш прахалодная няўстойлівая паветраная маса, уночы на ўсходняй палове адаб'ецца ўплыў атмасфернага фронту. Чакаецца пераменная воблачнасць. Уночы на ўсходняй палове кароткачасовыя дажджы, навальніцы, месцамі моцныя ліўні. Удзень у асобных раёнах невялікія кароткія дажджы з навальніцамі. У начныя і ранішнія гадзіны месцамі можа згушчацца туман. Вецер пераменных кірункаў сярэдні, пры навальніцах парывісты. Тэмпература паветра гэтай ноччу +11..+17°С, заўтра ўдзень максімум тэмпературы складзе 21..+ 27°С. Атмасферны ціск істотна не зменіцца.

У чацвер і пятніцу, з паўднёва-захаду Еўропы да нас перамесцяцца актыўныя атмасферныя франты. У выніку чаго ў большасці раёнаў Беларусі чакаюцца кароткачасовыя дажджы, месцамі моцныя дажджы, навальніцы. Вецер пераменных кірункаў сярэдні, пры навальніцах парывісты, у чацвер удзень месцамі моцны парывісты вецер. Начная тэмпература паветра ў чацвер складзе +12..+19°С, у пятніцу +10..+17°С; пераважны фон дзённых тэмператур будзе +21..+28°С. Крыху цяплей будзе на паўднёвым усходзе рэспублікі: 14 жніўня поначы +20..+21°С, удзень +29..+34°С; 15 жніўня ўночы +18..+20°С, удзень +29..+30°С.