Крыніца: «Гуманітарны канвой» забяспечаны радыёліхтарамі для «Граду»

Расейскія ўлады рыхтуюць чарговую правакацыю.

У гуманітарным грузе, які вязе калона самаходаў з Расеі, схаваныя радыёліхтары для навядзення агню сістэм "Град". Таксама з'явілася відэа, якое пацвярджае, што вайскоўцы з гарадка рыхтуюцца ладавацца ў "гуманітарныя" КамАЗы. Як паведаміў кіраўнік грамадскай арганізацыі Грамадзянская ініцыятыва "Права справа" Дзмітрый Снегіроў, інфармацыю аб ўзбраенні яму далі крыніцы, блізкія да самаабвешчанай "ЛНР", піша УНІАН.

"Як стала вядома з вартых даверу крыніц, у самаходах, што вязуць гуманітарку з Расеі, схаваныя радыёліхтары для навядзення агню сістэм "Град". Пры заходзе ў Луганск гэты караван будзе абстраляны спецвойскамі ГРУ Расеі, а адказнасць будзе ўскладзеная на Нацгвардыю Украіны, - сказаў Снегіроў. - 12 жніўня ў Краснадоне адбылася нарада ваеўнікоў, на якім абмяркоўваўся момант праходжання каравана з гуманітарнай дапамогай і наяўнасці ў ім сістэм радыёназірання (ліхтароў). Нараду вёў афіцэр расейскага ГРУ з мянушкай "Нікалай". У нарадзе брала ўдзел 8 чалавек".

На думку Снегірова, ускосным пацверджаннем рыхтаванай правакацыі з'яўляецца адмова расейскай стараны ад арэнды Чырвоным Крыжам самаходаў. Таксама, паводле ягоных слоў, пацвярджэннем таго, што запланаваная правакацыя з боку Расеі, сведчыць правядзення нарады палявых камандзіраў ваеўнікоў і наяўнасць аддзела спецвойскаў ГРУ з 18 чалавек, які прыбыў напярэдадні і размяшчаецца ў будынку дзяржаўнай падатковай інспекцыі (ДПІ) Краснадона.

Акрамя таго, у Луганску, якому наўпрост прызначаецца гэты груз, адзначаная актывізацыя ваеўнікоў, якія вядуць абстрэл зялёнага калідора і ўсяляк перашкаджаюць выезду жыхароў з абложанага горада, адзначыў Снегіроў.

Частка "гуманітарных КамАЗаў" перавозіць людзей пад паветкамі. Для гэтага, са слоў відавочцаў, у асобных грузавіках для "гуманітарнай пяхоты" знарок прарэзалі адтуліны ў даху, каб ім было чым дыхаць у спякоту.

Акрамя таго, ёсць відэа, дзе відаць, як вайскоўцы рыхтуюцца ладавацца ў "гуманітарныя" КамАЗы. З процілеглага боку руху калоны чакае заладаваны радар комплексу СПА С300.

Тэлеканал "Расія 1" зняў з гелікоптэра рух "гуманітарнага канвою" РФ у бок Украіны. Канвой з 280 КамАЗаў у чатыры этапы вырушыў сёння ў кірунку Белгарада.

Нагадаем, так званы гуманітарны канвой з Расеі ў Луганск будзе праходзіць праз пункт прапускання "Шабекіна-Плятнёўка" на мяжы Белгарадскай (Расейская Федэрацыя) і Харкаўскай (Украіна) абласцей. Як заяўляе МЗС РФ, гэты маршрут узгоднены з украінскімі ўладамі раней, і пасля перасячэння расейска-ўкраінскай мяжы калона паедзе пад эгідай Міжнароднага Камітэта Чырвонага Крыжа.

Пры гэтым украінская старана намагае, што гуманітарны груз павінен быць дастаўлены да мяжы. Украінская старана падкрэсліла, што ўсякі несанкцыянаваны ўваход на тэрыторыю Украіны іншых дзяржаў, нават пад выглядам гуманітарнай дапамогі, будзе разглядацца як акт агрэсіі. Абавязкі і адказнасць за бяспеку і далейшае перасоўванне гуманітарнай дапамогі па тэрыторыі Украіны бярэ на сябе МКЧК і прадстаўнікі Украіны.