У ліпені ў Менску больш за ўсё падаражэлі яйкі

У ліпені ў Менску кошты на харчовыя тавары выраслі на 1,3% у параўнанні з чэрвенем 2014 года і на 16,3% - з пачаткам года.

Пра гэта паведамляе галоўнае статыстычнае ўпраўленне горада.

Больш за ўсё падаражэлі яйкі - на 16%, садавіна - на 5%, алкагольныя напоі - на 4,6% і цукар - на 3%. Разам з тым на шэраг прадуктаў кошты знізіліся: на масла - на 0,6%, макаронныя вырабы - на 0,5%, гародніну - на 14,8%, бульбу - на 24,1%.

Кошты на нехарчовыя тавары ў ліпені ў параўнанні з чэрвенем выраслі на 1%, з пачатку года - на 4,3%. Больш за ўсё падаражэлі ў ліпені: бензін - на 5,5%, пісьмовыя прылады - на 4%, медыкаменты - на 2,5%, тканіны - на 1,8%. Знізіліся кошты на абутак - на 0,9%, ровары і матацыклы - на 0,6%.

Платныя паслугі насельніцтву Менска ў ліпені ў параўнанні з чэрвенем павялічыліся на 0,9%, з пачатку года - на 17,2%, паведамляе БелаПАН.

Больш за ўсё падаражэлі паслугі санаторна-аздараўленчыя - на 6,3%, міжнародных чыгуначных перавозак - на 5,8%, бытавыя - 2,6%, медыцынскія - 2,5%. Знізіліся кошты на паслугі паветранага транспарту - на 0,1%.