Кіраўніком УПЦ МП абраны стаўленік Пуціна

Кіраўніком Украінскай праваслаўнай царквы Маскоўскага патрыярхату абраны мітрапаліта Ануфрый.

Такую пастанову прыняў Сабор епіскапаў Украінскай праваслаўнай царквы МП, які адбыўся ў Кіева-Пячэрскай лаўры, піша УНІАН.

Сёння ў трапезнай палаце храма Антонія і Феадосія Пячэрскіх адбыўся Сабор епіскапаў УПЦ, на якім прысутнічалі 82 іерархі УПЦ МП. Галасаванне праходзіла таемна, у два туры: у першым туры з 74-х біскупаў былі вызначаны тры кандыдатуры, а ў другім туры з гэтых трох кандыдатур быў абраны кіраўнік УПЦ МП. Паўнапраўным кіраўніком Украінскай праваслаўнай царквы новаабраны Кіеўскі мітрапаліт стане пасля атрымання блаславёнай граматы ад Маскоўскага патрыярха Кірыла і пасля ўрачыстай інтранізацыі, якая адбудзецца 17 жніўня.

Нагадаем, кіраўнік УПЦ МП, мітрапаліт Кіеўскі і ўсяе Украіны Уладзімір памёр 5 ліпеня. Раней у лютым выконваючым абавязкі кіраўніка УПЦ МП (месцаахоўнікам) стаў мітрапаліт Чарнавіцкі і Букавінскі Ануфрый. Ён з'яўляецца праціўнікам аб'яднання з Украінскай праваслаўнай царквой Кіеўскага патрыярхату.