На сайце «Белавія» можна купіць квіткі на рэйсы партнёраў

Новы сэрвіс стварылі на сайце беларускай авіякампаніі.

Першым кірункам, куды «Белавія» пакуль не выконвае ўласныя рэйсы, але па якім быў адкрыты продаж на сайце авіякампаніі, стаў Брусэль. Пасажыры могуць набыць авіябілеты ў сталіцу Бельгіі, выбраўшы маршрут з перасадкай на рэйс авіякампаніі-партнёра ў Варшаве, Рызе, Вене, Амстэрдаме, Парыжы ці Празе, піша БелаПАН.

Спецыялісты авіякампаніі прыступілі да тэставання і загрузкі на сайт сотняў гарадоў і тарыфаў, плануецца ахапіць практычна ўвесь свет. Так, у рамках спецпрарэйтавага пагаднення паміж «Белавія» і Finnair для продажу на сайце авіякампаніі дададзена 19 новых маршрутаў з перасадкай у Хельсінкі, сярод якіх шэсць гарадоў Фінляндыі, гарады Еўропы, а таксама азіяцкія напрамкі, у тым ліку Пекін, Шанхай, Бангкок, Ганконг , Сінгапур, Cеул, Токіа, Осака.