Мікалай Хадасевіч: Збудаванні, не звязаныя з хакеем, становяцца даўгабудам
3- 13.08.2014, 19:30
- 9,416
Вядомы каментатар падзяліўся меркаваннем аб рэканструкцыі стадыёна «Дынама».
Мікалай Хадасевіч у інтэрв'ю «Трыбуне» падкрэсліў, што нават не ведае, хто адказвае за будаўніцтва гэтага і іншых аб'ектаў, што спараджае здагадкі аб «чарговым распілоўванні бабла».
«Калі шчыра, глыбока не ўнікаў, што адбываецца з рэканструкцыяй «Дынама» і з праектам новага нацыянальнага стадыёна, паколькі ў адкрытым доступе днём з агнём не адшукаць выразнай сістэмнай інфармацыі з нагоды гэтых спартовых аб'ектаў, - сказаў ён. - Мне здаецца, што ўсе збудаванні, не звязаныя з хакеем, у Беларусі асуджаныя на даўгабуд.
«Барысаў-Арэна» - шыкоўнае выключэнне з правілаў, калі група аднадумцаў прадэманстравала ўменне і веданне, пісьменнае доўгатэрміновае планаванне і беражлівае выкарыстанне заробленых сродкаў. А пра «Дынама» і нацыянальны стадыён я, тэлежурналіст, нават не ведаю, каго спытаць, не ведаю, хто адказны за працэс узвядзення гэтых арэн. Адсутнасць інфармацыі незваротна спараджае здагадкі. Мабыць, гэтым мы і будзем займацца пры аналізе ненармальнай сітуацыі з футбольнымі арэнамі ў сталіцы - пладзіць канспіралагічныя версіі пра чарговае распілоўванне бабла. А пакуль «Барысаў-Арэне» пагражае рэальная перагрузка - у выпадку, калі ў групавую стадыю еўракубкаў да нашай агульнай радасці праб'юцца ўсе тры айчынныя клубы...» - сказаў Хадасевіч.