На ўсходзе Швайцарыі сышоў з рэек цягнік
- 13.08.2014, 20:00
- 6,468
Цягнік, які рухаўся ў высакагорны курорт Санкт-Морыц, сышоў з рэек у кантоне Граўбюндэн.
Паводле звестак мясцовай паліцыі, гаворка ідзе аб сур'ёзным інцыдэнце. Як адзначаюць метэаролагі, здарэнню папярэднічаў апоўзень, які накрыў рэйкі на выхадзе чыгуначнай трасы з тунеля, перадае BBC.
Паведамленні аб ахвярах і пацярпелых цяпер удакладняюцца.
Мінулым летам на швайцарскай чыгунцы адбыўся шэраг НЗ, адно з якіх прычынілася да ахвяраў праз сутыкненне цягнікоў.