Тройню пандаў з Кітая называюць «новым цудам свету» (Відэа)
3- 13.08.2014, 20:26
- 12,466
Панда ўпершыню нарадзіла адразу трох дзяцей.
Дзіцяняты з'явіліся на свет у кітайскім заапарку і выжылі, дзякуючы клопату мясцовых спецыялістаў. Такога выпадку ў свеце заўважана не было. З'яву прыраўноўваюць да «новага цуду свету», піша Mirror. Варта адзначыць, што хуткасць размнажэння панд вельмі нізкая, а вось смяротнасць, наадварот, досыць высокая. У дзікай прыродзе пражывае ўсяго блізу 1600 панд, піша БелаПАН.
Пакуль мама-панда не памацнела, дзіцянятаў змясцілі ў інкубатар. Імёнаў у малечаў яшчэ няма, пол «трайнят» пакуль не паведамляецца.
У заяве Chimelong Safari Park, дзе нарадзіліся малечы, адзначаюць: «Гэта адзіная ў свеце тройня пандаў, якая выжыла», праўда экспэрт у пандах з Wolong National Natural Reserve адзначае, што жывёлы яшчэ занадта малыя. Прызнаць іх выжылымі афіцыйна нельга, павінна прайсці шэсць месяцаў.