«Аднапакаёўкі» і «двухпакаёўкі» у Менску патаннелі

Аднапакаёвыя і двухпакаёвыя кватэры на другасным рынку жылля Менска ў ліпені патаннелі.

Пра гэта паведаміла намесніца дырэктара ў продажах на другасным рынку жылля «Твая сталіца. Агенцтва нерухомасці» Святлана Кудзелка.

Сярэдні кошт аднапакаёвых кватэр стандартных спажывецкіх якасцяў быў у ліпені $56 тысяч, двухпакаёвых - $67 тысяч, трохпакаёвыя кватэры каштавалі ў сярэднім $91 тыс. У параўнанні з чэрвенем кошт аднапакаёвых кватэр знізіўся на 3%, двухпакаёвых - на 4%. Кошт трохпакаёвых кватэр застаўся нязменным. Пры гэтым кошт 1 кв. м у кватэрах стандартных спажывецкіх якасцяў у ліпені сфарміраваўся на ўзроўні $1558, што на 0,8% больш, чым у чэрвені. Сярэдні кошт 1 кв. м аднапакаёвых кватэр у ліпені склаў $1729, двухпакаёвых - $1455, трохпакаёвых - $1449.

«У гэтым сегменце рынку сталічнай нерухомасці адзначаецца доўгачаканае ажыўленне. Так, у ліпені гэтага года было ўкладзена 960 угодаў з кватэрамі, гэта апярэджвае чэрвеньскі паказчык амаль на 10%», - адзначыла экспэрт. Актыўным попытам сёння карыстаюцца кватэры ў коштавым дыяпазоне да $70 тысяч за аднапакаёвую, да $95 тысяч за двухпакаёвую і да $130 тысяч за трохпакаёвую. Угоды з такімі кватэрамі складаюць каля 80% ад агульнай колькасці.

«У параўнанні з аналагічным перыядам мінулага года прыкметнае зніжэнне колькасці ўкладзеных угодаў, тое, што адбываецца на фоне ўзрастаючага аб'ёму прапановы. Гэта зніжэнне таксама шмат у чым звязанае з адсутнасцю даступных крэдытных рэсурсаў для насельніцтва. Высокі кошт крэдытаў паўплываў на рост дзелі альтэрнатыўных угодаў куплі-продажу, звязаных з пашырэннем альбо разменам існуючых плошчаў. Гэта адбілася на павелічэнні сярэдняга па рынку тэрміну рэалізацыі кватэр», - адзначыла Святлана Кудзелка.

Пры гэтым, з яе інфармацыі, за апошнія тры месяцы гэтага года павялічвалася колькасць угодаў у сярэднім на 5% штомесяц. На сённяшні дзень пяць банкаў крэдытуюць насельніцтва па куплі-продажы жылля, тады як у пачатку года такі крэдыт можна было атрымаць толькі ў адным. Некалькі палепшыць сітуацыю зніжэнне стаўкі рэфінансавання і адпаведнае паніжэнне ставак крэдытаў, мяркуе экспэрт.