Расейскія хакеры атакавалі сайт прэзідэнта Польшчы
- 14.08.2014, 20:07
- 4,806
Хакерская група "Кіберберкут" абвясціла пра атаку на асноўныя палітычныя і фінансавыя інтэрнэт-рэсурсы Польшчы.
"Сёння нашае кібервойска праводзіць атаку на асноўныя палітычныя і фінансавыя інтэрнэт-рэсурсы Польшчы - сайты прэзідэнта краіны і Варшаўскую фондавую біржу", - паведамілі прадстаўнікі кібер-групы на сваёй афіцыйнай старонцы.
У паведамленні адзначаецца, што напады праводзяцца ў сувязі з тым, што Польшча аказвае палітычную, дыпламатычную і вайсковую падтрымку афіцыйным уладам Украіны.
У выніку атакі сайты www.prezydent.pl і www.gpw.pl сапраўды аказаліся недаступныя.
Пазней былі атакаваныя яшчэ каля 40 польскіх інтэрнэт-рэсурсаў.
На думку незалежных экспэртаў, група "Кіберберкут" цесна звязаная з расейскімі спецслужбамі.