Менская «Венецыя»
4- 15.08.2014, 11:18
- 12,094
Для жыхароў менскай вуліцы Валгадонская, дзе пераважае прыватная забудова, кожны лівень ператвараецца ў стыхійнае бедства.
Яны не адзін раз выклікалі МНС і рамонтнікаў, але карціна не змяняецца - падтопленыя дамы, замочаныя аўтамабілі, сапсаваная маёмасць.
Жыхарка аднаго з пацярпелых дамоў Вераніка Баўкала распавяла Naviny.by, што толькі за гэтае лета ў іх такі патоп ўжо другі раз.
Са слоў Веранікі Баўкалы, рабіць рамонт у доме асаблівага сэнсу няма, бо кожны год усё паўтараецца.
Як распавёў сусед Веранікі Іван Куракевіч, у чацвер прыязджалі рамонтнікі, сказалі, што пра праблему ім вядома, але грошай у бюджэце няма і нічога яны зрабіць не могуць.
Самых страшных момантаў паводкі жыхары не сфатаграфавалі. Як патлумачыў Іван, «мы спачатку з вёдрамі бегаем, а потым ужо пачынаем з фотаапаратамі забаўляцца».