Дэніэл Рэдкліф зладзіў сюрпрыз гледачам кінатэатра ў Лондане
- 15.08.2014, 14:09
- 7,159
Ангельскі актор здзівіў сваіх прыхільнікаў нечаканым з'яўленнем пасля заканчэння сэансу ў кінатэатры.
Гледачоў папрасілі пракамэнтаваць на камэру фільм «Што калі» (What if) з Дэніэлам Рэдкліфам у галоўнай ролі, аднак не папярэдзілі пра тое, што зорка Патэрыяны таксама знаходзіцца ў зале, піша Lenta.ru.
Раптоўнае з'яўленне ў кіназале актора і вірлівая рэакцыя аўдыторыі былі знятыя на відэакамэру.
На пачатку роліка ён выказаў сумнеў, што гледачы хоць неяк адрэагуюць на яго. «Вось будзе смешна», - адзначыў Рэдкліф. Аднак большасць гледачоў вітала з'яўленне зоркі вельмі эмацыйна. Адна з дзяўчат ад здзіўлення нават падскочыла, а іншая запэўніла акцёра, што іхняя сустрэча - гэта найлепшае, што адбылося з ёй у жыцці.
Прэм'ера фільма «Што калі» з Рэдкліфам у галоўнай ролі адбылася ўвосень 2013 года.