Палякам раяць адмовіцца ад «Зуброўкі» і «Сопліце»

Расейцы маскіруюць паходжанне сваіх прадуктаў і валодаюць вядомымі польскімі маркамі.

Купляючы прадукты з канкрэтнай краіны, вы падтрымліваеце яе эканоміку. Таму нядзіўна, што папулярнасць расейскіх прадуктаў у Польшчы радуе крамлёўскую ўладу. Байкатаваць расейскую прадукцыю ў адказ на эмбарга Расеі, заклікае Gazeta Polska Codziennie (пераклад - Иносми.ру) і прапануе спіс вырабаў нашага ўсходняга суседа, ад якіх мы можам з лёгкасцю адмовіцца.

Некаторыя пазіцыі ў ім могуць многіх здзівіць. Расейцы маскіруюць паходжанне сваіх прадуктаў, выкарыстоўваючы ангельскія назвы, акрамя таго яны валодаюць вядомымі польскімі маркамі. Паглядзі, якія прадукты маюць расейскія карані.

«Польскія» гарэлкі паводле рускага стандарту

Гарэлкі Żubrówka, Soplica, Absolwent, Bols, Royal - ні адна з іх не асацыюецца з краінай Пушкіна, аднак усе гэтыя маркі знаходзяцца ў руках кампаніі «Рускі стандарт» - найбуйнейшага вытворцы гарэлак у Расеі. За ёй стаіць бізнесоўца Рустам Тарыка, якога называюць «каралём гарэлкі».

Цікава, што гарэлка, што значна больш асацыюецца з Расеяй - Smirnoff, не мае з гэтай краінай нічога агульнага. Марка належыць цяпер брытанскаму канцэрну Diage, а частка прадукцыі вырабляецца на тэрыторыі Польшчы.

Запраўляючыся на гэтай бензакалонцы, ты плаціш Пуціну

Аўтазапраўкі «ЛУКОЙЛ» належаць канцэрну, які з'яўляецца найбуйнейшым падаткаплацельшчыкам у Расеі, піша Gazeta Polska Codziennie. Газета заклікае падтрымліваць выключна польскі бюджэт і купляць бензін на запраўках кампаній Orlen i Lotos. На пачатак 2014 у «ЛУКОЙЛа» было ў Польшчы 116 АЗС.

Вугаль з расейскіх шахт

«Праз расейскі імпарт на паліцах польскіх шахтаў ляжаць мільёны тон айчыннага вугалю», - б'е трывогу газета. Хоць «чорнае золата» з Расеі каштуе менш, аднак яго каларыйнасць ніжэйшая.

Як зразумець, у якой краіне здабыты вугаль, які мы купляем? Заўсёды можна спытаць у прадаўца. Акрамя таго Гандлёвая палата прадаўцоў польскага вугалю атрымала права на таварны знак «Польскі вугаль». Сыравіна, якая прадаецца пад гэтай маркай, будзе напэўна адбывацца з айчынных шахт. Неўзабаве павінны таксама адкрыцца дзяржаўныя вугальныя склады, якія будуць прадаваць толькі польскі вугаль.

Вось адкуль ногі растуць

Прысутныя на польскім рынку абутковыя маркі Kari і Centro таксама маюць расейскае паходжанне. Па ўсёй Польшчы ў іх працуе блізу 90 крам. Аднак гэтыя кампаніі пакуль не заваявалі нашага рынку, мы значна больш любім наш CCC або Wojas. Так што байкот кліентамі марак Kari і Centro можа нават выгнаць іх з Польшчы.

Антывірусныя праграмы

Kaspersky, Outpost i Dr. Web - гэта маркі антывіруснага праграмнага забеспячэння, якія належаць расейцам. Адмова ад расейскіх праграм можа апынуцца добрай ідэяй у тым ліку праз верагоднасць кібератакі з тэрыторыі гэтай дзяржавы. Некалькі гадоў таму яе мэтай сталі краіны Балтыі, у першую чаргу Эстонія, а некалькі дзён таму нападу быў на офіс прэм'ер-міністра Украіны і ўкраінскай амбасады.

Шыны з расейскай фабрыкі

Nokian - гэта вядомая фінская марка. На жаль, частка вытворчасці знаходзіцца на тэрыторыі Расеі. Што ж рабіць? Зразумела, выбіраць шыны, зробленыя на іншых заводах, якія размешчаныя ў Польшчы, напрыклад, у Дэмбіце або Ольштыне.

Замаскіраваная гарбата

Даступны ў польскіх гандлёвых сетках чай Greenfield - гэта прадукт кампаніі «Арымі Трэйд» - лідэра на расейскім гарбатным рынку. Расейцы маскіруюць паходжанне прадукту ангельскай назвай. Гарбаты Greenfield прадаюцца, у прыватнасці, у Вялікабрытаніі і Новай Зеландыі.

Вядома, прадуктаў з расейскімі каранямі на польскім рынку значна больш. І калі мы хочам далучыцца да спажывецкага байкоту, варта заўсёды глядзець на этыкеткі.