Забарона на наведванне лясоў засталася ў дзеянні
10- 17.08.2014, 11:28
- 11,008
Клас пажарнай небяспекі ў Беларусі знізіўся да першага-другога, але забарона на наведванне лясоў надалей дзейнічае.
Пра гэта сайту charter97.org паведамілі ў прэс-службе Міністэрства лясной гаспадаркі Беларусі.
«Класс пажарнай небяспекі на большай частцы тэрыторыі Беларусі знізіўся да першага-другога», - гаворыцца ў паведамленні.
Нагадаем, цягам двух тыдняў на тэрыторыі Беларусі дзейнічаў чацвёрты-пяты клас пажарнай небяспекі, а з 5 жніўня была ўведзена забарона на наведванне лясоў. За гэты час, паводле інфармацыі Мінлясгаса, 359 чалавек былі прыцягнутыя да адміністрацыйнай адказнасці за парушэнне патрабаванняў пажарнай бяспекі ў лясах і на тарфяніках і развядзенне вогнішчаў у забароненых месцах. Сума штрафаў склала Br12,9 млн.