Украінская армія вызваліла райцэнтр пад Данецкам
10- 17.08.2014, 19:23
- 17,953
Украінская армія ўзяла пад кантроль горад Ясінаватая ў Данецкай вобласці.
Пра гэта на сваёй старонцы ў сацыяльнай сетцы «Фэйсбук» напісаў прэзідэнт Украіны Пётр Парашэнка.
«95 брыгада Узброеных сіл Украіны ўзяла пад кантроль райцэнтр Ясінаватая Данецкай вобласці, які мае стратэгічнае значэнне», - напісаў украінскі лідэр.
Ён таксама паведаміў, што ў пасёлку ўжо узняты ўкраінскі сцяг, і Нацыянальная гвардыя завяршае пошук і ліквідацыю апошніх груп апалчэнцаў.
Упершыню сілавікам атрымалася заняць населены пункт 3 жніўня, аднак ужо 5 жніўня яны былі вымушаныя адступіць.
Ясінаватая - горад раённага значэння ў Данецкай вобласці Украіны. Адміністрацыйны цэнтр Ясінаватскага раёна. Уваходзіць у Данецкую агламерацыю.