«Горад-спадарожнік» Менска зменшыўся да аднаго квартала

Для жыхароў сталіцы ў Смалявічах плануюць пабудаваць 10 дамоў.

"Ежедневник" наведаў суседні райцэнтр і пляцоўку, дзе будуецца жыллё для менчукоў. Без асабістага аўто жыць там будзе вельмі дрэнна. Аўтобуснага злучэння практычна няма. Да бліжэйшай школы - 40 хвілін пешшу, да бліжэйшай паліклінікі - больш за гадзіну.

Некалькі гадоў таму сталічнае кіраўніцтва выказала занепакоенасць хуткім ушчыльненнем Менска і наважыла перанесці актыўнае будаўніцтва жылля ў шэраг бліжэйшых гарадоў. Сярод іх былі і Смалявічы. Туды журналісты і накіраваліся. На свае вочы пабачыць маштабы ўвасаблення задуманага.

Горад быў абраны не выпадкова: з ім наладжанае добрае злучэнне, у тым ліку чыгуначнае. Зразумела, большая частка менчукоў, што перасяліліся ў Смалявічы, будзе ездзіць на працу менавіта на электрычцы. Напраўду працэс не такі ўжо камфортны: дарога займае амаль гадзіну.

Смалявіцкі вакзал знаходзіцца наводшыбе. Да цэнтра можна пад'ехаць на аўтобусе, але ён ходзіць рэдка. Пешшу - прыкладна паўгадзіны да цэнтральнай плошчы і яшчэ столькі - да квартала з жыллём для менчукоў. Вакзал і цэнтр горада падзяляюць рэйкі. У гэтай частцы горада размешчаны ўсяго адзін пераезд. А далёка не ў пікавы адцінак часу па абодва бакі сабралася блізу 30-ці транспартных сродкаў. Час чакання - больш за 10 хвілін. Раніцай і ўвечары тут больш значныя заторы.

Горад-спадарожнік бачны практычна адразу ад вакзала:

Гэтую частку горада з цэнтрам злучае вуліца Савецкая. Якая назва - такая і вуліца.

Ад цэнтра горада да "менскага квартала" ідуць дзве паралельныя вуліцы: Сацыялістычная і Камсамольская. Пейзаж звыклая: у асноўным стары прыватны сэктар. Чым бліжэй да ўскраіны горада, з'яўляецца больш прыстойная забудова.

Новыя Смалявічы будуюцца на ўездзе з боку Менску. Тут пабудаваныя некалькі дзесяткаў жылых будынкаў максімум 5-ці павярховікі (у асноўным з цэглы) і нават бізнэс-цэнтр. Раён выглядае прыстойна.

Проста за ім, на самай ускраіне Смалявічаў, недалёка ад вадасховішча, выдзеленая тэрыторыя пад будаўніцтва для менчукоў.

Адзіны пакуль пабудаваны ў рамках праекта горада-спадарожніка жылы дом пазначаны на агульнай схеме забудовы. Ён пабудаваны ў левым (заходнім) квартале. Аднак уся астатняя яго тэрыторыя будзе будавацца Смалявіцкімі ўладамі для жыхароў горада. Месца на ўскраіне абяцае свае праблемы. Да бліжэйшай школы - 40 хвілін пешшу, да бліжэйшай паліклінікі - больш за гадзіну.

Менчукам выдзеленая толькі палова - правы (усходні) квартал, з дзесяткам жылых дамоў:

"Першы жылы 142-кватэрны дом для менчукоў серыі БС40 на чатыры пад'езды пачалі будаваць у канцы 2012 года, - сказаў Дзяніс Піско, намеснік старшыні райвыканкама Смалявічаў. - У лістападзе 2013 года ён павінен быў быць здадзены. Праблема, якая не дазволіла пабудаваць дом у тэрмін і пачаць будоўлю іншых - у падвядзенні камунікацый. Жылы квартал будуецца ў чыстым полі, куды не былі падведзеныя сеткі: электрычнасць, вада, водаправод".

Чыноўнік адзначыў, што праца ў гэтым пытанні вядзецца. Бліжэйшым часам дабудуюць першую лінію сетак.

Працэс пракладкі зацягнуўся праз няпэўнасць з выдзяленнем зямлі. Трэба было прапрацаваць пытанне аб адыходзе ворных зямель у гарадскую рысу.

"Кватэры ў новым доме будуць здавацца з аздабленнем: шклопакеты, сантэхніка, лінолеум, шпалеры, - удакладніў Дзяніс Піско. - Кошт квадратнага метра - без малога 5 мільёнаў рублёў [танней, чым у Жодзіна, хоць і бліжэй да Менска]. Каштарыс 2-пакаёвай кватэры (58 кв м) роўны 32,5 тысячам далярам. Трохпакаёўка (81 кв м) - 45,7 тысяч даляраў".

Льготны крэдыт сплачвае да 90% кошту. Шматдзетным сем'ям - цалкам. Стаўка - 6-7% гадавых, бо дом пабудаваны ў горадзе з насельніцтвам да 20 тысяч чалавек.

Зваротная дарога была хутчэйшай. Журналіст заблукаў і спытаў як прайсці да вакзала ў кіроўцы грузавіка. Ён прапанаваў падвезці. Васіль усё жыццё пражыў у Смалявічах і навіну аб будаўніцтве жылля для менчукоў сустрэў са скепсісам: "Я і так кожны дзень больш за гадзіну прастойваю ў корках каб пераехаць праз чыгунку, што потым пачнецца - баюся выказаць здагадку. Дзіця не можам у дзіцячы садок аддаць - усе перапоўненыя. Нам прапанавалі вазіць яго за 15 кіламетраў у вёску!"

Магчыма, як раз горад-квартал-спадарожнік і стане выратаваннем для Смалявічаў. З'явіцца нармальнае аўтобуснае злучэнне, павялічаць колькасць пераездаў праз чыгунку і мясцовыя жыхары забудуць пра коркі, пабудуюць новыя школы, дзіцячыя сады і паліклінікі. Але пакуль на месцы, адведзеным для "менскіх" дамоў, толькі голая зямля і ніводнага будаўнічага крана. Хоць з моманту ўрачыстага пераразання чырвонай стужкі Ладуцькам прайшло амаль два гады. Мабыць, ахвотных перасяляцца халера ведае куды знайшлося няшмат.