Частка «канвою Пуціна» спрабавала праткнуцца ва Украіну

КамАЗы спрабавалі ўехаць на тэрыторыю Украіны пры падтрымцы ваеўнікоў.

Украінскія памежнікі спынілі спробу завезці частка грузу так званай «гуманітарнай дапамогі» з Расеі. Пра гэта паведамляе прэс-служба Рады нацыянальнай бяспекі і абароны Украіны.

Паводле інфармацыі ўстановы, а 12:50 ў пункт прапускання «Данецк» на тэрыторыі РФ прыбылі 16 аўтамабіляў КамАЗ белага колеру, адзін палівазапраўнік, аўтобус, якія размясціліся на стаянцы каля пункта прапускання.

«Пасля гэтага з боку Украіны на вачах расейскіх памежнікаў да ўкраінскіх прадстаўнікоў пад'ехала група ваеўнікоў адбіцця нападу. Пасля перамоў з памежнікамі Расеі тэрарысты адышлі ўглыб тэрыторыі Украіны», - паведамілі ў РНБА.

Нагадаем, раней прадстаўнік АБСЕ Поль Рыкар паведаміў, што гэтая арганізацыя імаверна ажыццявіць агляд расейскага канвою 18-19 жніўня. Вызначаныя партыі - да 30 транспартных сродкаў. Пасля агляду груз перададуць для далейшага суправаджэння афіцыйным прадстаўнікам Чырвонага Крыжа.

Расея накіравала ва Украіну 280 напаўпустых грузавікоў з «гуманітарнай дапамогай». У чацвер увечары, 14 жніўня, расейская аўтакалона збочыла з федэральнай трасы «Дон» (Масква - Растоў-на-Доне - Новарасійск) і спынілася ў полі прыкладна ў 35 кіламэтрах ад расейска-ўкраінскай мяжы. Учора ў Мінсацпалітыкі Украіны падпісалі загад, у адпаведнасці з якім зацверджаны пералік прадуктаў і тавараў, якія накіроўваюцца ў Данбас пад эгідай МКЧК з Расеі. Расея павінна перадаць гуманітарны груз прадстаўнікам МКЧК, якія ўвязуць яго праз КПП «Данецк» ва Украіну.

Пры гэтым гуманітарная дапамога, накіраваная ўкраінскімі ўладамі ў Данбас, прыбыла ў Севераданецк і Старабельск на Луганшчыне. Учора прадстаўнікі Чырвонага крыжа павінны былі пачаць праверку грузу для далейшага транспартавання яго цывільным жыхарам у зону АТА.