Мінпрыроды просіць зарэгістраваць хатніх ваўкоў

Міністэрства прыродных рэсурсаў нагадала аб патрэбе рэгістраваць ваўкоў, якіх трымаюць у няволі.

Пра гэта сайту charter97.org паведамілі ў прэс-службе ўстановы.

«Воўк (Canis lupus) з'яўляецца відам, уключаным у дадатак II Канвенцыі аб міжнародным гандлі відамі дзікай фаўны і флоры, які знаходзіцца пад пагрозай знікнення (далей - Канвенцыя СІТЕS), - гаворыцца ў паведамленні. - Згодна з артыкулам 43 Закона Рэспублікі Беларусь "Аб жывёльным свеце" рэгістрацыя дзікіх жывёл, якія належаць да відаў, уключаных у Чырвоную кнігу Рэспублікі Беларусь, або з'яўляюцца ўзорамі СІТЕS, павінна быць праведзеная іх уладальнікамі цягам аднаго месяца з дня адлову або набыцця гэтых жывёл і ў пяцідзённы тэрмін з дня дасягнення дзікай жывёліны ўзросту трох месяцаў».

Рэгістрацыя дзікіх жывёл праводзіцца Мінпрыроды ў адпаведнасці з Палажэннем аб парадку і ўмовах рэгістрацыі дзікіх жывёл, што утрымліваюцца і (або) разведзеныя ў няволі (уключаючы іх нашчадкаў, якія дасягнулі ўзросту трох месяцаў), што належаць да відаў, уключаных у Чырвоную кнігу Рэспублікі Беларусь, або з'яўляюцца ўзорам СІТЕS, зацверджаным пастановай Савета Міністраў Рэспублікі Беларусь ад 30 студзеня 2008 г №126.

Згодна з названымі Палажэннямі падставамі для рэгістрацыі дзікіх жывёл і выдачы пасведчання аб рэгістрацыі з'яўляюцца:

- Адпаведнасць умоў утрымання дзікіх жывёл патрабаванням да ўтрымання дзікіх жывёл, усталяваных Мінпрыроды, пацверджаных актам пра ўмовы ўтрымання дзікіх жывёл, які афармляецца ўладальнікам дзікай жывёліны ў прысутнасці прадстаўнікоў тэрытарыяльнага органа Мінпрыроды і навуковай арганізацыі, якая мае спецыялістаў адпаведнага профілю;

- Пацверджанне факту нараджэння дзікіх жывёл (у выпадку рэгістрацыі разведзеных у няволі дзікіх жывёл), якое афармляецца ўладальнікам дзікай жывёліны шляхам складання акта аб пацверджанні факту нараджэння нашчадкаў у прысутнасці прадстаўнікоў тэрытарыяльнага органа Мінпрыроды і навуковай арганізацыі, якая мае спецыялістаў адпаведнага профілю.

Для рэгістрацыі дзікіх жывёл у Мінпрыроды трэба падаць:

- Заяву ўстаноўленай формы;

- Фатаграфіі для рэгістрацыі дзікіх жывёл;

- Копіі дакументаў, якія пацвярджаюць законнасць утрымання дзікіх жывёл (дазвол на выняцце з прыроднага асяроддзя, дамова куплі-продажу, дамова дарэння, перадачы ці іншыя дакументы)

- Акт пра ўмовы ўтрымання дзікіх жывёл;

- Акт аб пацверджанні факту нараджэння жывёліны (у выпадку рэгістрацыі разведзеных у няволі дзікіх жывёл).

Фота: wikimedia.org